走向天边的猪蹄印

突然间好想用广州话写翻篇blog
我都知道自己唔系咩念旧既物体，不过有时有d野曾经用左好耐，然后又好耐都无用到，会突然间有挂住既感觉：）其实我唔系单指广州话嘎……
其实唔知自己想写乜，甘就求其写啦

从讲自己唔系念旧既物体开始写。突然间有甘既感叹，系因为我同某d friend讲我以后要去加拿大，唔知点解次次讲起都会比人话到我老既时候就会好想翻来，叶落归根甘话，不过我自己又真系唔觉咯，从我而家去过甘多地方（好多咩？？）我先发现，其实真系住落既话，习惯左之后真系唔发觉有咩唔同，一开始梗系会唔系好方便嘎啦，不过我适应力好强既，好快就觉得住得好自在……你话我系外面读甘多念书有无挂住广州？都可以话有既，皆因广州行街多野睇多野食阿嘛，仲有屋企真系好舒服，咩都唔使做……讲到我好不孝甘添……如果以后可以接埋父母出去，甘就无牵无挂拉~可能系我观念中除左父母，其他亲戚真系好可有可无，本来就成年都唔见一两次，我觉得由血缘将一群无共同爱好、奋斗目标甚至无共同话题既人扯埋一齐，规定我地互相关心经常见面真系好无谓，所以我个人重视朋友会多得多（当然啦，亲戚入面都有我中意既人可以做朋友嘎嘛），不过由于血缘关系，一d长辈会毫无目的甘帮我，指路我行，我真系好感激，亦都觉得受之有愧，比着我自己以后可能做唔到，我只会对我自己睇得上眼、中意既人无保留甘付出。既然我对血缘睇得好淡，所以叶落归去边我真系觉得无所谓。或者以后我会挂住以前我行过既路，读过书既学校，有纪念意义既地方，好想去睇下，不过呢d同归根完全唔拉庚，因为可能系国外都会发生好有纪念意义既事，老左之后一样会好怀念。  我有甘既林法，唔代表我唔中意中国文化，其实我真系好欣赏中国几千年来既文化沉淀同埋好多已经扎根既观念，虽然我都好想去其他地方见识下其他既文化，但是潜意识都系会觉得中华文化系无人能及甘灿烂，咦……好似唔多有关系甘既讲下讲下……

重新起话题，同上面讲过既野有少少关系啦。关于一个古老既问题：亲情、友情、爱情，边样重要d。基本上我识得既f都会拣亲情，如果当亲情专指父母既话，我都会甘拣，毕竟他地为我做d野，真系粉身碎骨都报答唔到。跟住爱情同友情就各有各讲。但系呢个问题太笼统，如果将问题换得有对抗性d，如果你同一个人相爱（真爱果种，起码自己觉得系），你父母（朋友）坚决反对，你会点？如果系朋友反对，我林大多数人都会选择爱既人，如果系父母反对，甘就真系两难咯。我林我会选择爱既人，因为永远唔会失去父母，但系如果放弃自己爱既人，点知以后仲会唔会再遇到，我惊后悔一世。我都相信父母反对系为我好，我都相信他地既眼光比我好得多，不过一旦投入百分百既感情（好不幸，我发现我一投入就梗系百分百），又如何抽身呢？如果我无拣他，好有可能一世都唔会知道他有咩唔好，好可能一世都以为他最好最适合我，然后后悔、痛苦。我宁愿冒住风险唔听父母话，坚持自己既选择，做自己觉得岩既事。不过我会甘拣，系因为我知道我父母通情达理，无论点他地都会系最爱我既人，无论我落魄到咩样，屋企张饭台随时都有我既一碗饭，我好庆幸有甘既父母，见到有d人父母可以为左阻止子女做咩事以断绝关系为要挟，真系觉得心寒，甘样都算系父母咩？  讲下讲下又乱七八糟添……

本来仲有好多乱七八糟既野想讲，不过已经过足广州话瘾啦，而且再唔复习考试实死梗，哈哈，写住甘多先啦！